अमेरिकीहरु दाँत सिधा पार्न, चम्काउन तथा उपचारका लागि ठूलो रकम खर्च गर्छन् । अमेरिकी स्वास्थ्य तथा मावन सेवा मन्त्रालयले सन् २०१२ मा दाँतकै लागि अमेरिकीले १ खर्ब डलर भन्दा बढि खर्च गर्ने अनुमान गरेको छ । तर जापानमा भने दाँत बंग्याउने अनौठो फेसन चलेको छ । जापानका युवतीहरुमा अहिले धमाधम माथिल्ला दुइवटा चोर दाँत अगाडितिर बंग्याउने फेसन चलेको छ ।
कुकुर दाँतलाई अगाडितिर तान्ने फेसनलाई जापानमा येबा भनिन्छ, जसको अर्थ दोब्बर दाँत भन्ने हुन्छ । यसरी कुकुर दाँत अगाडितिर तानेका तरुनीहरु निकै आकर्ष देखिने र उनीहरुलाई जापानी युवाले मन पराउने गरेका बताइन्छ । यसो गर्न कतिपयले प्लास्टिकका कृत्रिम चोरदाँत समेत हाल्ने गरेका छन् ।
जापानी युवतीहरुबीच सिधा तथा भित्रतिर फर्केका कुकुर दाँत राम्रा मानिँदैनन् एक युवती भन्छिन् , बाहिरतिर बांगिएका कुकुर दाँत हुने युवतीप्रति मात्र तन्नेरीहरु आकर्षित हुन्छन् ।
जापानी युवतीहरुमा माथिल्ला कुकुर दाँत बाहिरतिर बंग्याउने फेसन रहेजस्तै पश्चिमा देशका युवाहरुमा माथिल्ला अघिल्ला दुइ दाँतको बिचमा छिद्र बनाउने फेसन छ ।
No comments:
Post a Comment